Breizh

Diwar Wikipedia, an holloueziadur digor

Labour zo d'ober c'hoazh a-raok peurechuiñ ar pennad-mañ. Ma fell deoc'h reiñ un tamm skoazell, krogit e-barzh. Mar karfec'h reiñ hoc'h ali ha netra ken, grit 'ta e pajenn ar gaozeadenn.

Breizh

(Ar Gwenn ha Du)

Ger-ardamez : Kentoc’h mervel eget bezañ saotret

Breizh hag ar broioù amezek dezhi

Yezh vroadel

Brezhoneg

Kêr-benn

Roazhon ha Naoned (kêrioù-penn melestradurel), Naoned ha Gwened (kêrioù-penn istorel)

Prezidant rannvro Breizh

Jean-Yves an Drian

Prezidant departamant Liger-Atlantel

Patrick Mareschal

Prezidant rannvro Broioù al Liger

Jacques Auxiette

Kan broadel

Bro gozh ma zadoù

Breizh a zo anezhi ur vroad europat. Ur vro geltiek eo. Dizalc'h eo bet Stad Breizh betek ar XVI^vet kantved a-raok bezañ enframmet e rouantelezh Gall da-heul koll arme Breizh a-enep da arme Rouantelezh Bro-C'hall war dachenn emgann Sant Albin-an-Hiliber e 1488. Chomet eo Breizh emren betek dibenn an XVIII^vet kantved a-raok bezañ dispennet ha divodet gant an Dispac'h gall a grouas an departamantoù. Abaoe krouidigezh ar rannvroioù e Frañs en eil hanterenn an XX^vet kantved ez eus bet savet en-dro ur gwirvoud melestradurel da Vreizh, evit un darn anezhi.

[kemmañ] Div rannvro

Evit ar poent eo rannet Breizh etre div rannvro velestradurel.

en eil anezho, a zo anvet rannvro Breizh, e kaver peder pemvedenn eus ar vro (kêr-benn Roazhon),
en eben (Broioù-al-Liger) eo bodet departamant breizhek Liger-Atlantel ha departamantoù gall (Sarthe, Maine-et-Loire, Vañde, Mayenne). E Breizh (Naoned) emañ kêr-benn Broioù-al-Liger ivez.

Daoust d'ar frankiz kollet ha d'ar frammoù melestradurel a zisrann ar Vretoned e kendalc'h Breizh da vevañ evel unanenn vroadel. Ar merkoù anatañ eus se eo he sevenadur dibar (sonerezh, kan, lennegezh, keginerezh, dañsoù, c'hoariva, gizioù emwiskañ hag all...), he yezh (ar brezhoneg), hec'h armerzh (gant luskadoù evel Produet e Breizh), labour an emsav (politikel, sevenadurel, yezhel, armerzhel) abaoe daou gantved, al liammoù etrebroadel niverus a vez maget gant pobloù all, ha youl ar Vretoned da vevañ en ur vro unanet en-dro.

Ul ledenez vras eo Breizh, lec'hiet e penn kornôkañ Europa war un tiriad strategel-kenañ, etre ar Mor Breizh hag ar Meurvor Atlantel, adal da gevandir Amerika.

[kemmañ] Istor

Pennad pennañ : Istor Breizh

Bet eo bet Breizh unan eus ar riezoù koshañ en Europa e mare diskar an Impalaeriezh roman, met e kaver roudoù niverus obererezhioù an Den a zo bet kavet e takadoù tostañ an aodoù ha war an inizi peurvuiañ. Roudoù un tan elumet 500 000 bloaz 'zo a zo bet kavet e Ploeneg (Kerne - Penn-ar-Bed), ar re koshañ kavet en Europa. War Enez-Eusa ez eus bet meur a monedonea gant annezidi a bep seurt abaoe hoalad an Neolitik. Etre 4 000 ha 1 200 kt JK e savas tud ne anavezer kalz a draoù diwar o fenn meur a savadur mein : peulvanoù, mein sonn, taolioù-maen hag alezioù toet. Sevenadur ar meurvein en em astennas war Europa a-bezh, met e Breizh e tizhas un diorren bras a-walc'h, seul vui m'eo roc'hellek-tre an douar.

Rouaned ha Duged Breizh

[kemmañ] Douaroniezh

Pennad pennañ : Douaroniezh Breizh

Div bastell-vro vras zo e Breizh : Gorre-Breizh (Breizh-Uhel) ha Goueled-Breizh (Breizh-Izel).

[kemmañ] Yezhoù

[kemmañ] Lennegezh Breizh

[kemmañ] Rannvro Breizh

Lod eus Breizh 'zo e rannvro Breizh. Implij a ra ar rannvro-se an anv "Breizh" eta, met n'eo ket Breizh a-bezh.

Ul logo nevez zo bet krouet gant ar rannvro-se e 2005 :